ArCa Gold քարտը «Արմենիան Քարդ» միասնական վճարային համակարգին պատկանող բարձր դասի քարտ է, որի գործածումը հնարավոր է միայն Հայաստանի տարածքում:

Քարտը տրամադրվում է միայն ՀՀ դրամով, այն հարմար է աշխատավարձի ստացման համար:

ArCa Gold քարտերը ArCa համակարգի ավելի ցածր դասի քարտերի համեմատ հնարավորություն են ընձեռում կանխիկացնել միանգամից ավելի շատ գումար, կատարել օրվա ընթացքում ավելի շատ կանխիկացման գործարքներ, ստանալ վարկային գիծ/օվերադրաֆտ՝ ավելի բարձր սահմանաչափով:

ArCa Gold քարտերը Ձեզ հնարավորություն են ընձեռում օգտվել հետևյալ ծառայություններից`

• ՀՀ տարածքում կանխիկի ստացում բանկոմատներից, որոնց վրա փակցված է լինում ԱրՔա համակարգի նշանը,
• ՀՀ տարածքում գտնվող առևտրի և սպասարկման կետերում (որոնք սպասարկում են «ԱրՔա» քարտեր) ձեռք բերված ապրանքների կամ ստացված ծառայությունների դիմաց վճարումների իրականացում: «ԱրՔա» քարտ սպասարկող առևտրի և սպասարկման կետերի մուտքի կամ դրամարկղի վրա փակցված է «ԱրՔա» քարտի նշանը,
• կոմունալ ծառայությունների դիմաց վճարումների իրականացում բանկոմատների միջոցով,
• ՀՀ տարածքում գտնվող առևտրի և սպասարկման կետերից ապրանքների, ծառայությունների ձեռքբերում ինտերնետով,
• վիրտուալ քարտի միջոցով, կոմունալ վճարումների իրականացում, քարտային հաշվի մնացորդի և քարտով գործարքների վերաբերյալ տեղեկատվության ստացում ինտերնետով,
• Ձեր քարտից մեկ ուրիշի ԱրՔա, ՄաստերՔարտ և Վիզա քարտերին (որոնք գտնվում են ԱրՔա վճարային համակարգում) քարտին գումարների փոխանցում և այլն:

Արքա քարտերի վերաբերյալ առավել մանրամասն տեղեկություններ ստանալու համար կարող եք այցելել www.arca.am  կայքը: