“ՀԱՅԲԻԶՆԵՍԲԱՆԿ” ՓԲԸ – ն այսուհետ առաջարկում է առարկայազուրկ մետաղական հաշիվներ, որոնց միջոցով հնարավոր է նվազագույնի հասցնել արտարժութային ռիսկերը: “ՀԱՅԲԻԶՆԵՍԲԱՆԿ” ՓԲԸ մետաղական հաշիվը նախատեսված է անկանխիկ 999.9 հարգի ոսկու հաշվառման և դրանով գործարքներ կատարելու համար: Առարկայազուրկ մետաղական հաշիվը թանկարժեք մետաղները ներդրումային դաշտում օգտագործելու նոր և ժամանակակից մեթոդ է: Թանկարժեք մետաղները չեն կորցնում իրենց արժեքը անկախ քաղաքական և տնտեսական իրավիճակից:
Անկանխիկ ոսկով մետաղական հաշիվները հնարավորություն են ընձեռում  օգտվել մի շարք առավելություններից`
  *պահպանել և կուտակել դրամական միջոցներ ցանկացած պայմաններում, ներառյալ` գնաճ, անկայուն շուկայական իրավիճակ, ճգնաժամ,
  *ավելացնել խնայողությունները` ի հաշիվ միջազգային շուկայում թանկարժեք մետաղի արժեքի աճի,
  *ներդրումներն իրականացնել առանց ժամկետային և գումարային սահմանափակումների,
  *ապահովել իրացվելիության բարձր մակարդակ` ցանկացած ժամանակ ոսկին Բանկին վաճառելու շնորհիվ` տվյալ պահին գործող փոխարժեքով,
  *բացառել արտարժութային ռիսկերը:

Առարկայազուրկ մետաղական հաշիվները չեն հատուցվում Ավանդների հատուցումը երաշխավորող հիմնադրամի կողմից:

“ՀԱՅԲԻԶՆԵՍԲԱՆԿ” ՓԲԸ Մետաղական հաշիվների ծառայության մատուցման պայմանները