“ՀԱՅԲԻԶՆԵՍԲԱՆԿ” ՓԲԸ-ն (այսուհետ` Բանկ) անշարժ և շարժական գույք գնահատող և ապահովագրական ընկերությունների հետ համագործակցության նպատակով կազմակերպում է մրցույթ:

Մրցույթին մասնակցելու ցանկություն ունեցող կազմակերպությունները կարող են մրցութային հայտերը փակ ծրարներով ներկայացնել Բանկի գլխամասային գրասենյակ` ք.Երևան, Նալբանդյան 48 հասցեով: Մրցույթում հաղթող կազմակերպության (կազմակերպությունների) հետ կկնքվի համապատասխան պայմանագիր:

Մրցույթի հայտերը կընդունվեն 2012 թվականի մայիսի 2-ից մինչև մայիսի 10-ը ընկած ժամանակահատվածում, ժամը 9.30-16.30: Արդյունքները կամփոփվեն մինչև 2012 թվականի մայիսի 12-ը:

Գնահատող ընկերությունների համար մրցույթը տեղի կունենա 2012 թվականի մայիսի 14-ին, իսկ ապահովագրական ընկերությունների համար` 2012թ. թվականի մայիսի 16-ին։

Մրցույթի անցկացման պայմանները Անկախ գնահատող ընկերությունների համար:

1. Մրցույթի համար պահանջվող փաստաթղթերկի ցանկը`

• Դիմում.
• Կանոնադրության պատճեն` լրացումներով և փոփոխություններով.
• Պետական ռեգիստրի գրանցման վկայական` իր ներդիրներով, ներառյալ տնօրենի վերաբերյալ տեղեկատվության ներդիրը.
• Ընկերության ՀՎՀՀ.
• Գնահատման գործունեության իրականացման լիցենզիայի պատճեն (առկայության դեպքում).
• Լիցենզավորված գնահատողների լիցենզիաների պատճեններ. 
• Նախորդ հաշվետու ֆինանսական տարվա` հարկային մարմինների կողմից հաստատվող հաշվետվություններ.
• Նախորդ 1 (մեկ) տարվա ընթացքում գույքի գնահատման (վերագնահատման) կատարված աշխատանքների ցանկ.
• Իրացվելիության գործակիցների գործածման սանդղակ` գույքի տեսակից, արժեքից ու գտնվելու վայրից կախված.
• Գնահատող ընկերության հաստիքացուցակում ներառված գնահատողների ցուցակ,
• Վերջին հաշվետու ամսվա դրությամբ հարկային պարտավորությունների վերաբերյալ տեղեկանք.
• Դատական դեպարտամենտից սնանկության բացակայության վերաբերյալ տեղեկանք.
• Գնահատման տիպային պայմանագրերի և գնահատման եզրակացությունների օրինակներ.
• Ընկերության մասնաճյուղերի ցանկ.
• Տեղեկանք այլ բանկերի և ֆինանսական կազմակերպությունների հետ համագործակցության վերաբերյալ.
• Մատուցվող ծառայությունների և սպասարկման սակագների ցանկ.
• Այլ փաստաթղթեր` ըստ անհրաժեշտության:

2. Մրցույթին մասնակցող ընկերությունները պետք է համապատասխանեն հետևյալ չափանիշներին`

• Գնահատման գործունեության իրականացման առնվազն 3 (երեք) տարվա փորձ ՀՀ-ում, գնահատման գործունեության իրականացման առնվազն 4 (չորս) ամսվա փորձ ԼՂՀ-ում.
• Անկախ գնահատող ընկերությունում նվազագույնը 1 (մեկ) լիցենզավորված գնահատողների առկայություն.
• Անկախ գնահատող ընկերությունը և/կամ նրա հետ փոխկապակցված անձը պետք է պատրաստակամ լինի համագործակցության ողջ ժամանակահատվածի ընթացքում Բանկում ներդնել Բանկի վարչության կողմից սահմանված գումարի չափով ժամկետային ավանդ (ավանդը դիտարկվում է որպես համագործակցության ապահովության միջոց).
• Անկախ գնահատող ընկերության մասնաճյուղային ցանցի առկայություն, բացառությամբ ԼՂՀ-ում գրանցված անկախ գնահատողների.
• Բանկերի կամ այլ ֆինանսական հաստատությունների հետ համագործակցության փորձ.
• Բանկի կողմից գրավ ընդունվող գույքի գնահատման վճարների ընդունման նպատակով Բանկում Անկախ գնահատող ընկերության կողմից առանձին հաշվի բացում:

Մրցույթի անցկացման պայմանները Ապահովագրական ընկերությունների համար

1. Մրցույթի համար պահանջվող փաստաթղթերի ցանկը

• Դիմում.
• Կանոնադրության պատճեն` լրացումներով և փոփոխություններով.
• Պետական ռեգիստրի գրանցման վկայական` իր ներդիրներով, ներառյալ տնօրենի  վերաբերյալ տեղեկատվության ներդիրը.
• Ընկերության ՀՎՀՀ.
• Ապահովագրական գործունեության իրականացման լիցենզիայի պատճեն.
• Նախորդ հաշվետու ֆինանսական տարվա` հարկային մարմինների կողմից հաստատվող հաշվետվություններ.
• Նախորդ հաշվետու ֆինանսական տարվա անկախ աուդիտորական եզրակացության պատճեն.
• Վերջին հաշվետու ամսվա դրությամբ հարկային պարտավորությունների վերաբերյալ տեղեկանք.
• Ապահովագրության յուրաքանչյուր տեսակի գծով տիպային պայմանագրեր.
• Տեղեկանք ապահովագրական գործառնությունների ընդհանուր ծավալում յուրաքանչյուր տեսակի ապահովագրության մասնաբաժնի վերաբերյալ, վերջին 6 ամիսների ընթացքում ապահովագրական հատուցումների գումարը.
• Տեղեկանք այլ բանկերի և ֆինանսական կազմակերպությունների հետ համագործակցության վերաբերյալ.
• Կազմակերպության վերաապահովագրողների վերաբերյալ տեղեկատվություն.
• Բանկի հաճախորդների սպասարկման սակագները` ըստ ապահովագրության տեսակների.
• Դատական դեպարտամենտից սնանկության բացակայության վերաբերյալ տեղեկանք.
• Այլ փաստաթղթեր` ըստ անհրաժեշտության:

2. Մրցույթին մասնակցող ընկերությունները պետք է համապատասխանեն հետևյալ չափանիշներին

• ապահովագրական գործունեության իրականացման լիցենզիայի առկայություն.
• ապահովագրական գործունեության իրականացման առնվազն 1 (մեկ) տարվա փորձ.
• Ապահովագրական ընկերության մասնաճյուղային ցանցի առկայություն.
• բանկերի կամ այլ ֆինանսական հաստատությունների հետ համագործակցության փորձ.
• ապահովագրավճարների մուտքագրման նպատակով Բանկում Ապահովագրական ընկերության կողմից առանձին հաշվի բացում.
• Ապահովագրական ընկերության կողմից Բանկի և Ապահովագրական ընկերության միջև կնքված պայմանագրով նախատեսված չափով միջնորդավճարի վճարում Բանկին:

Ապահովագրական ընկերությունը պետք է պատրաստակամ լինի համագործակցության ողջ ժամանակահատվածի ընթացքում Բանկում ներդնել Բանկի վարչության կողմից սահմանված գումարի չափով  ժամկետային ավանդ (ավանդը դիտարկվում է որպես համագործակցության ապահովության միջոց): Համագործակցության ընթացքում այս պահանջի խախտման դեպքում Բանկը կարող է տվյալ Ապահովագրական ընկերությանը Բանկի հետ համագործակցող ապահովագրական ընկերությունների ցանկից ժամանակավորապես հանել: