Հարգելի գործընկերներ,

ՙՀԱՅԲԻԶՆԵՍԲԱՆԿ՚ ՓԲԸ-ն հայտարարում է  փաստաթղթաշարժի  ամբողջական էլեկտրոնային հենքի  տեղափոխման ծրագրային ապահովման մրցույթ՝ մասնաճյուղային ցանցի աշխատողներից ստացվող զանգերի կենտրոնացման և խնդիրների ամբողջական սպասարկման նպատակով:

Մրցույթի պայմաններն են՝

1. Ընկերությունը պետք է ունենա.

• նշված համակարգերի ներդրման և վաճառքի իրավունք,
• նշված կամ նմանատիպ համակարգերի տեղակայման և տեխնիկական աջակցության կայացած մեխանիզմներ և  փորձ:

2. Մասնակից ընկերության կողմից ներկայացված գնառաջարկը պարտադիր պետք է պարունակի ստորև կետերը.

• ընդհանուր արժեքը` բոլոր հարկերը ներառված,
• մատակարարման ժամկետը,
• երաշխիքային սպասարկման պայմանների առաջարկ,
• տեխնիկական աջակցության ապահովման պայմանները,
• նշել այլ պայմաններ՝ Ընկերության հայեցողությամբ:

3. Պահանջվող փաստաթղթեր.

• մրցույթին մասնակցության դիմում-հայտ,
• գնառաջարկ,
• կազմակերպության մասին տեղեկատվություն (կանոնադրություն, պետ.ռեգիստրի  գրանցման  վկայական, տարեկան հաշվետվություններ),
• գործընկեր կազմակերպությունների ցանկը:

Մրցույթին մասնակցել ցանկացողները կարող են մրցութային դիմում-հայտերի թղթային տարբերակը՝ պահանջվող փաստաթղթերի հետ միասին, փակ ծրարներով ներկայացնել ՙՀԱՅԲԻԶՆԵՍԲԱՆԿ  ՓԲԸ  Գլխամասային գրասենյակ՝ ՀՀ, ք.Երևան, Նալբանդյան 48 հասցեով, 2019 թվականի Հուլիսի  25-ից մինչև սեպտեմբերի 30-ը, յուրաքանչյուր աշխատանքային օր, ժամը 09:15-ից 16:45-ը, իսկ  միջազգային ընկերությունները կարող են ուղարկել info@armbusinessbank.am հասցեին:

 Փակ ծրարի վրա պետք նշվի.

• ՙՉբացել մինչև մրցույթի անցկացման օրը՚  գրառումը,
• ՙՄրցութային հանձնաժողովին՚ գրառումը,
• Ուղարկող (Մրցույթի մասնակից) և ստացող (Մրցույթի կազմակերպիչ) կազմակերպությունների հասցեները, ամբողջական անվանումները:

Մրցույթի արդյունքների վերաբերյալ բոլոր մասնակիցները կտեղեկացվեն մինչև 2019 թվականի  Սեպտեմբերի  15-ը:

Տեղեկությունների համար կարող եք  զանգահարել  ՙՀԱՅԲԻԶՆԵՍԲԱՆԿ՚  ՓԲԸ  Տեղեկատվական տեխնոլոգիաների վարչություն (+37410) 59 20 22 հեռախոսահամարով կամ Մասնաճյուղային ցանցի աջակցման բաժին (+37410) 59 20 69 հեռախոսահամարով   կամ գրել Mushegh.Gishyan@armbusinessbank.am  և/կամ Anna.Alikhanyan@armbusinessbank.am  էլեկտրոնային հասցեներին:

Ծրագրային ապահովման համար սահմանվող նվազագույն պահանջները

• Օգտագործողների քանակ՝ անսահմանափակ,
• Հայերեն և/կամ ռուսերեն լեզվի առկայություն,
• Հայտերի ստեղծման հնարավորություն,
• Հայտերի վերահասցեավորում՝ ըստ կատարող ստորաբաժանման,
• Ենթահայտերի ստեղծման հնարավորություն,
• Հայտերի միավորում կամ առանձնացում,
• Հիշեցումներ ստանալու հնարավորություն հենց համակարգում և/կամ էլեկտրոնային նամակով,
• Մեկնաբանություններ ավելացնելու հնարավորություն,
• Հայտերին և նամակագրությանը փաստաթղթեր կցելու հնարավորություն,
• Հայտերում գրանցված խնդիրների լուծման գնահատման հնարավորություն /որակային, ժամկետային/, հետադարձ կապի հնարավորություն,
• Վիճակագրական տվյալներ, ամփոփ ցուցակներ և հաշվետվություններ տեսնելու և արտահանելու հնարավորություն /Word, excel, pdf/,
• Հայտերի խմբավորման հնարավորություն /ըստ ստորաբաժանումների, ժամկետների, թեմաների և այլն/,
• Խմբեր ստեղծելու հնարավորություն,
• Տարբեր հատկանիշներով փնտրելու հնարավորություն /ըստ կատարողի, ստացողի, վերնագրի և այլն/,
• Իրավասությունների սահմանում, հասանելիության սահմանափակումների հնարավորություն,
• Առանձին նամակագրությունների մեջից ավտոմատ հայտերի ստեղծման հնարավորություն /split/,
• Հաճախ տրվող հարցերին պատասխանների ձևանմուշների ստեղծման հնարավորություն /шаблоны ответов/,
• Ինտեգրում Microsoft outlook-ին և այլ համակարգերին